श्रीलंकालाई हराउँदै नेपाल साफ महिला च्याम्पियनसिपको सेमिफाइनलमा, रश्मी र रेनुका चम्किए
काठमाडौँ – साफ महिला च्याम्पियनसिप २०२६ अन्तर्गत
समूह २ को खेलमा नेपाली राष्ट्रिय महिला फुटबल टोलीले श्रीलंकालाई २–० ले पराजित गर्दै तालिकाको शीर्ष
स्थान कब्जा गरेको छ।
भुटानविरुद्धको अघिल्लो खेलमा ४-४-२ को रणनीति अपनाएको
नेपालका लागि प्रशिक्षक न्यौपानेले हिजोको खेलमा रणनीतिक परिवर्तन गर्दै टोलीलाई ४-३-३ को फर्मेसन मा मैदान
उतारेका थिए। सुरुवाती ११ मा गरिएको यो परिवर्तन र नयाँ रणनीति पूर्ण रूपमा सफल देखियो। नेपालले खेलभर
७०% बल पोजेसन राख्दै श्रीलंकालाई दबाबमा राख्यो र विपक्षी विरुद्ध २३ वटा प्रहार गर्दा श्रीलंकाले भने एउटा पनि सट
प्रहार गर्न सकेन।
पहिलो हाफको अतिरिक्त समयमा (४५+३' मिनेट) रश्मी कुमारी
घिसिङले उत्कृष्ट गोल गर्दै नेपाललाई सुरुवाती अग्रता दिलाइन्। खेलभर उत्कृष्ट प्रदर्शन गरेकी रश्मी हिजोको खेलको
'प्लेयर अफ दि म्याच' (Man of the Match) घोषित भइन्।
दोस्रो हाफमा नेपालले आफ्नो अग्रतालाई दोब्बर बनायो। खेलको ६२
औँ मिनेटमा रेनुका नगरकोटीले उत्कृष्ट गोल गर्दै नेपालको जित २–० ले सुनिश्चित गरिन्। यस जितसँगै नेपाल समूहको शीर्ष
स्थानमा उक्लिन सफल भएको छ।
म्यान अफ द म्याच
रश्मी कुमारी घिसिङ 'म्यान अफ द म्याच' घोषित भइन्।
